Namangan viloyatining Namangan tumani hokimi Shavkatjon Abdurazzaqov Vazirlar Mahkamasi Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamenti mudiri etib tayinlandi. Bu haqda “Daryo” mobil muxbiri xabar bermoqda.
2015-yilda tuman hokimi lavozimiga tayinlangan Shavkatjon Abdurazzaqov bunga qadar ham Vazirlar Mahkamasida, Iqtisodiyot va tashqi iqtisodiy aloqalar masalalari yig‘ma axborot-tahlil departamenti hududlarni kompleks rivojlantirish sho‘basining bosh mutaxassisi sifatida faoliyat yuritgandi.
Eslatib o‘tamiz, oldinroq Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentini boshqargan Ulug‘bek Uzoqov Jizzax viloyati hokimi etib tayinlangani haqida xabar berilgandi.
Izoh (0)