Moskva viloyatining Stupino tumanida mobil 3D-printer texnologiyasi yordamida Rossiyada birinchi turar-joy barpo etildi. Bu haqda qurilish printerlari ishlab chiqaruvchi Apis Cor kompaniyasi ma’lumotiga tayanib, “RIA Novosti” xabar bermoqda.
“Rossiya qurilishi tarixida ilk bor uy panellar yordamida yig‘ilmay, to‘lig‘icha chop etildi. Maydoni 38 kvadrat metr bo‘lgan bir qavatli uyni chop etish kompaniyaning Stupinodagi zavodi hududida amalga oshirildi. Buning uchun bir sutkadan kamroq vaqt ketdi”, — deyiladi Apis Cor xabarida.
Ma’lumot uchun, og‘irligi 2,5 tonna bo‘lgan qurilish 3D-printeri sutkasiga 100 kvadrat metrgacha fibrobeton devor tayyorlash imkoniyatiga ega.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)