“PSJ”ga 5 ta gol urishi kerak bo‘lgan “Barselona” La liga debyutanti “Leganes”ga arang 2 ta gol urdi

Ispaniya La ligasining 23-turida Kataloniyaning “Barselona” klubi qiyin g‘alabani qo‘lga kiritdi. “Kamp Nou”da “Leganes”ni qabul qilgan Luis Enrike jamoasi 2:1 hisobida muvaffaqiyat qozondi.

Bellashuvda “Barselona”ni Lionel Messi qutqarib qoldi deyish mumkin. U avvaliga hisobni ochib bergan bo‘lsa, uchrashuv so‘nggida penaltini aniq amalga oshirib, jamoasiga 3 ochko taqdim etdi.

Mazkur g‘alaba “Barselona”ni yana 2-pog‘onaga olib chiqdi. Ayni vaqtda klub “Sevilya”ga qaraganda 2 ochko ko‘proq jamg‘argan.

Kecha kunning markaziy o‘yini San-Sebastyan shahrida o‘tib, “Real Sosyedad” o‘z maydonida “Vilyarreal”ga imkoniyatni boy berib qo‘ydi. Shu tariqa mezbonlar kuchli to‘rtlik uchun kurashish imkoniyatini ancha pasaytirdi.

Ispaniya La ligasi 23-tur 19-fevral, yakshanba

“Real Sosyedad” — “Vilyarreal” 0:1

Gol: Samuel Kastilyexo, 90+4 (0:1).

“Valensiya” — “Atletik” 2:0

Gollar: Luish Nani, 13 (1:0). Simone Zaza, 45+1 (2:0).

“Selta” — “Osasuna” 3:0

Gollar: Pione Sisto, 23 (1:0). Jozabed, 87 (2:0). Yago Aspas, 89 (3:0).

“Barselona” — “Leganes” 2:1

Gollar: Lionel Messi, 4 (1:0). Unai Lopes, 71 (1:1). Lionel Messi, 89-pen (2:1).

20-fevral, dushanba“Malaga” — “Las-Palmas”