2016-yil avgustidan buyon Meksikaning Verakrus shtatida hududdagi jinoiy guruhlar tomonidan tashkil qilinganligi taxmin etilayotgan maxfiy mozorlardan 220 kishining jasadi topildi. Bu haqda Solecito tashkiloti vakili Lusia Diasga tayanib “TASS” xabar berdi.
Ushbu tashkilot a’zolari hudud hukumati bilan Kolinas-de-Santa-Fe tumanida topilgan qabrlarni tekshirmoqda.
“Bu ulkan ko‘lamdagi zo‘r kuch talab qiladigan va qiyin ish, menimcha, bu Lotin Amerikasida topilgan eng yirik mozor”, — dedi Dias.
Uning so‘zlariga ko‘ra, qidiruvchilar hali mozor joylashgan hududning katta qismini tekshirishi kerak. Topilgan murdalar Verakrus va Xalapda saqlanib, genetik ekspertizadan o‘tmoqda.
Izoh (0)