Yevropa ligasi. Ibrahimovich va Jekodan xet-trik, “Roma” Ispaniyada 4 ta gol urishga muvaffaq bo‘ldi
18628
Nufuzi jihatdan Yevropaning ikkinchi raqamli klublar musobaqasi hisoblangan Yevropa ligasida nimchorak final uchun kurash boshlandi.
Joze Mourinyo boshchilik qilayotgan Angliyaning “Manchester Yunayted” klubi mazkur bosqichni “Sent-Etyen”ga qarshi o‘tkazib, 3:0 hisobida zafar quchdi. Har uchala gol Zlatan Ibrahimovich tomonidan urildi.
“Vilyarreal” maydonida to‘p surgan Rimning “Roma” klubi 4 ta gol farqi bilan zafar quchdi. Ikkinchi bo‘limga kelib hujumchi Edin Jekoga ham 3 ta gol urish nasib qildi.
Londonning “Tottenhem” va Sankt-Peterburgning “Zenit” klublari safardan mag‘lubiyat bilan qaytdi. Ular 23-fevral kuni bo‘lib o‘tadigan javob o‘yinida vaziyatni o‘nglashga urinib ko‘radi.
Rossiya klublaridan “Krasnodar” va “Rostov”, shuningdek, Ukrainaning “Shaxtyor” klublari navbatdagi bosqich uchun ilk qadamlarni tashladi.