O‘zbekistonning birinchi raqamli raketkasi Denis Istomin Rotterdamdagi tennis turnirini tark etdi.

Chorak finalda u bolgariyalik Grigor Dimitrovga qarshi kortga tushdi va ikki set natijasiga ko‘ra imkoniyatni boy berdi — 6:7, 1:6. Istomin Avstraliya ochiq chempionatida ham aynan Dimitrov dovonidan o‘ta olmay, musobaqani nimchorak finaldan tark etgandi.

Qayd etish kerak, Rotterdamdagi turnirni Istomin britaniyalik raqibidan mag‘lubiyat bilan boshlab, keyinroq undan revansh olishning uddasidan chiqa olgandi. Bu safar esa uning kuchi bolgariyalik raketka ustasiga yetmadi.

Denis Istomin jahon tennis reytingida 76-o‘rinni egallab turibdi.