Chempionlar ligasining nimchorak finalida Londonning “Arsenal” klubi 1:5 hisobidagi mag‘lubiyatni qabul qilib oldi. Bir yil muqaddam “Bavariya” maydonidan shunday mag‘lubiyat bilan qaytgan “to‘pchilar”, bu safar ham shuni takrorlashdi.
Bunday natijani izohlash qiyin. Birinchi taymda imkoniyatlar bo‘ldi, biroq bekor ketdi. “Bavariya”ning ikkinchi goli ortiqcha edi. Koselni jarohat olgach esa “Arsenal” izdan chiqdi.Raqib bizdan yaxshi o‘ynadi. Ikkinchi bo‘limda ularga qarshilik qilishning imkoni bo‘lmadi.
O‘zimni oqlamoqchi emasman. Bunday masshtabdagi o‘yindagi bu kabi mag‘lubiyat har qanday odamni shokka tushirib qo‘yishi mumkin. Hamma ishni xato qilganimizni hisob ham ko‘rsatib turibdi.
Bunday uchrashuvlarda konsentratsiyani 90 daqiqa saqlab turish kerak. Biz esa uchinchi golni o‘tkazib yuborgach, tugab qoldik.
Bu karyeramdagi eng past nuqta yoki yo‘q ekani borasida gaplashishning mavridi deb hisoblamayman. Aytishim mumkin bo‘lgani — chuqur qayg‘udaman.
Arsen Venger, “Arsenal” bosh murabbiyi
Biz fantastik futbol namoyish qildik. Londonda javob o‘yini bor. U yerda ham bugungi o‘yinni namoyish ko‘rsatishimiz shart.Karlo Anchelotti, “Bavariya” bosh murabbiyi
Filipp Lam
Myunxenliklar sardori “Arsenal”ga qarshi javob uchrashuvini o‘tkazib yuboradi. Boisi u nimchorak finalning ilk o‘yinidayoq sariq kartochka ishlab oldi. Guruh bosqichidagi ogohlantirishni ham qo‘shib, u bitta uchrashuvni o‘tkazib yuborishga majbur.Bunday o‘yinlarni qanday olib borishni biladigan tajribali jamoamiz. So‘nggi o‘yinda ancha qiynalib qolgandik, bugun esa hammasi ideal ko‘rinishda bo‘ldi.Bir necha daqiqa sarosimaga tushganimiz rost, vaziyat qaltis edi. Butun o‘yin haqida gapirilganda esa maqtovga sazovormiz.
Filipp Lam, “Bavariya” sardori
7 yildan buyon “Bavariya”ning naqadar kuchli ekanini ko‘rib kelaman.Bugun hujumni rivojlantirish uchun imkoniyatlarimiz yetarlicha bo‘ldi. Shu boisdan Tyago bilan o‘ynash varianti ko‘proq yuzaga keldi. Ikkinchi taymda juda chiroyli gollar urishga erishdik.
Aryen Robben, “Bavariya” bosh murabbiyi
“Arsenal” himoyasi
Klub himoyachisi Ektor Belyerin “Barselona” nazarida ekani ko‘pchilikka sir emas. Garchi uning o‘zi Londonda qolishni istayotgan bo‘lsa-da, “Barsa” sport direktori Robert Fernandes uning o‘yinini tomosha qilish uchun Kataloniyadan yetib keldi.Loran Koselni esa “Bavariya”ga qarshi o‘yinda jarohat olib, maydonni tark etdi. Uning o‘rnida Gabriel Paulista harakat qildi. Koselni Londondagi javob uchrashuvini katta ehtimol bilan o‘tkazib yuboradi.
Lam tasavvur qilib bo‘lmas darajada kuchli futbolchi. Garchi u hamma sovrinni yutib chiqqan bo‘lsa-da, faoliyatini yuqori notada yakunlashi yanada zo‘r bo‘lardi. Va biz uning so‘nggi o‘yini Chempionlar ligasi finali bo‘lishi uchun kuchimiz boricha harakat qilamiz.Arturo Vidal, “Bavariya”