AQSh prezidenti Donald Tramp o‘zining milliy xavfsizlik bo‘yicha maslahatchisi lavozimini AQSh Qurolli kuchlari Markaziy qo‘mondonligi qo‘mondoni sobiq o‘rinbosari vitse-admiral Robert Garvardga taklif etdi. Bu haqda Reuters o‘z manbalariga tayanib xabar berdi, deb yozadi “Vedomosti”.
Agentlik ma’lumotlariga ko‘ra, Afg‘oniston va Iroqdagi operatsiyalarda ishtirok etgan vitse-admiral prezidentning taklifini qabul qilgan. Oq uydagilar ushbu ma’lumotni izohlamadi.
Prezidentning milliy xavfsizlik bo‘yicha maslahatchisi lavozimi Maykl Flinn Rossiyaning Vashingtondagi elchisi Sergey Kislyak bilan muzokaralari atrofida yuzaga kelgan shov-shuv tufayli iste’foga chiqqanidan so‘ng bo‘shab qolgan edi. Uni prezident Donald Trampning inauguratsiyasidan oldin Rossiyaga qarshi sanksiyalarni bekor qilishni muhokama qilishda gumon etishgandi.
Izoh (0)