Sortavala shahrida (Kareliya Respublikasi) mushuk tufayli bir nechta qishloq, bolalar bog‘chasi va non zavodi elektr ta’minotisiz qoldi. Bu haqda Prionej tarmoq kompaniyasi sayti ma’lum qildi.

Hodisa 13-fevral, mahalliy vaqt bilan tonggi 09:15 da sodir bo‘ldi. Hodisa sabablarini aniqlash va uni bartaraf etish uchun energetiklar guruhi hodisa joyiga chiqdi. Podstansiyalardan biriga mushuk kirib olganligi va qisqa tutashuvga sabab bo‘lganligi aniqlandi. Mushuk halok bo‘lgan.

Nashrning ma’lum qilishicha, hodisa oqibatida ikki mingdan ortiq odam yorug‘lik ta’minotisiz qolgan. Shikastlanish mutaxassislar tomonidan bir necha daqiqada bartaraf etilgan va 10:03 da elektr energiyasi shahar aholisi va ijtimoiy muhim obyektlarga yetkazila boshlangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!