Qozog‘istonning sobiq milliy iqtisodiyot vaziri Quvondiq Bishimbayev Qizilo‘rda shahrida shisha zavodi qurilishi davomida 1 milliard tenge (3 million dollar)ni o‘marishda gumon qilinmoqda. Bu haqda 13-fevral, dushanba kuni mamlakat Aksilkorrupsiya xizmati ma’lum qildi, deya xabar beradi “TASS”.
“‘Bayterek’ kompaniyasi raisi Bishimbayev o‘z qo‘l ostidagi korxonalar orqali Qizilo‘rdadagi zavod qurilishi davomida 1 milliard tengeni o‘marishga qaratilgan jinoiy jarayonni tashkillashtirgan. O‘g‘irlangan mablag‘ ishchilar yashashi va oziq-ovqati uchun to‘lov tariqasida naqdlashtirilgan. Bishimbayev ushbu summadan 2 million dollarini vositachi orqali shaxsan olgan”, — deyiladi xizmat xabarida.
Hozirda mazkur ish bo‘yicha sudgacha bo‘lgan tergov ishlari olib borilmoqda. Bishimbayev 12-yanvar kuni hibsga olingan.
O‘tgan yil dekabrida lavozimidan ozod etilgan sobiq vazir 2016-yil mayiga qadar 3 yil mobaynida “Bayterek” milliy xoldingini boshqargan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)