Amerikalik Den Mancha ko‘zi ojizligiga qaramay skeytbordda tryuklar bajarishning uddasidan chiqmoqda. Bu haqda Mashable hikoya qildi.
Mancha oq hassa va ovozli signal beruvchi maxsus datchikdan foydalanadi. U mazkur qurilmani snaryad qayerda ekanligini ovoz yordamida aniqlash uchun skeytbordchilar uchun rampaga o‘rnatadi.
Den skeytbording bilan bolaligidan qiziqqan, biroq 13 yoshida kasallik tufayli ko‘rish qobiliyatini yo‘qota boshladi. Hozirda uning faqat o‘ng ko‘zi g‘ira-shira ko‘radi, biroq bu sevimli mashg‘uloti bilan shug‘ullanishiga xalaqit bermaydi.
Mancha skeytbordda bir necha tryukni namoyish etayotgan rolik YouTube’da 125 ming marotabadan ko‘proq ko‘rildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)