Bangladesh janubi-g‘arbida avtobus va yuk avtomobili to‘qnashuvi natijasida 13 kishi halok bo‘ldi. Bu haqda “RIA Novosti” xabar bermoqda.

Guvohlarga ko‘ra, avtobus haydovchisi boshqaruvni yo‘qotgan va gaz ballonlarini olib ketayotgan yuk mashinasiga borib urilgan.

To‘qnashuv oqibatida har ikkala transport vositasi yonib ketgan.

Qurbonlarning 12 nafari avtobus yo‘lovchisi va biri yuk avtomobili haydovchisi ekanligi bildirilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.