Parijda bo‘lib o‘tgan Chanel modalar ko‘rgazmasining eng yorqin onlari

24-yanvar kuni jahon modalari poytaxti – Parijda haute couture afsonaviy Chanel modalar uyi ko‘rgazmasi bo‘lib o‘tdi.

Bu ko‘rgazmani marka uchun an’anaga aylangan tvid matoli kostyumlar ochib berdi. Yoz mavsumi uchun yashil, havorang va sariq ranglarning nozik tuslari tanlab olingan.

Kostyumning deyarli barcha modellari yirik kamarlar bilan ta’minlangan. Bezak sifatida fransuz vintaji uslubidagi shlyapalardan foydalanilgan. Modellar oyoqlariga marvarid halqalar bilan bezatilgan kumushrang tuflilar kiygan.

Tantanali kecha liboslari yaltiroq va yanada yaltiroq matolardan tashkil topgan. Hashamatli atlas kumushsimon mato bilan birgalikda ajoyib ko‘rinish yaratgan.

Kecha liboslari ko‘p sonli burmalar, qatlamlar va nozik kapalak nusxa shaklidagi bantlar bilan bezalgan. Pat — libosga noziklik va latofat qo‘shuvchi yana bir element.

Ko‘rgazmaning oxirgi libosini Jonni Deppning 17 yoshli qizi Lili-Rouz Depp namoyish qildi. Etagi ko‘p qavatli to‘rdan va yengi keng qilib tikilgan och qizil rangli ko‘ylak yaxlit belbog‘ va kumushrang tufli bilan to‘ldirilgan.

Manba: Cosmopolitan