AQSh senati Jeff Seshnsni mamlakat adliya vaziri va bosh prokuror etib tasdiqladi. Bu haqda “Vedomosti” xabar bermoqda.
Uning nomzodini 52 senator qo‘llab-quvvatladi, 47 kishi qarshi chiqdi.
30-yanvar kuni Obama ma’muriyati tomonidan tayinlangan Salli Yeyts yuqoridagi lavozimlarni bajarishdan chetlatilgandi. U prezident Donald Trampning migratsiya haqidagi farmonini sudda himoya qilishdan bosh tortdi. O‘z navbatida, Oq uy Yeytsni xoinlikda aybladi.
Ma’lumot uchun, Seshns 22 kishidan iborat Tramp ma’muriyatining senat tomonidan ma’qullangan sakkizinchi a’zosi bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)