AQSh prezidenti Donald Tramp mamlakatning sobiq yetakchisi Barak Obama uni yoqtiradi, deb hisoblaydi. Trampning o‘zi ham, o‘z navbatida unga yaxshi munosabatdadir, deb yozadi “Korrespondent.net”.
“Biz o‘zaro chiqishamiz. U buni tan oladimi, yo‘qmi, bilmadim, lekin men unga yoqaman. U menga yoqadi, chunki men buni his qilaman”, — dedi Tramp Fox News telekanaliga bergan intervyusida.
Shunga qaramay, Tramp ilgariroq Obama ikkalasi “bir-biriga xunuk gaplarni gapirgani”ni e’tirof etdi. “Siyosat — g‘aroyib narsa”, — deya xulosa qildi u.
Avvalroq Obama Donald Tramp prezidentlik saylovlarida g‘olib chiqqanidan keyin u bilan o‘tkazgan suhbatlaridan huzur-halovat olganini aytgan edi.
Izoh (0)