AQSh prezidenti Donald Tramp Eronni “birinchi raqamli terrorchi davlat” deb atadi. Bu haqda “RIA Novosti” xabar bermoqda.
“Eron mamlakatimizni mutlaqo hurmat qilmaydi. U birinchi raqamli terrorchi davlat. Mablag‘larini qurollanishga sarflamoqda”, — deya ta’kidladi Tramp 5-fevral, yakshanba kuni Fox News telekompaniyasiga bergan intervyusida.
AQSh yetakchisi Tehronga nisbatan sanksiyalar nuqtayi nazaridan munosabatda bo‘lishni va’da qildi. “Biz buni amalga oshirishni boshladik”, — dedi Tramp.
Eslatib o‘tamiz, AQSh Tehron tomonidan ballistik raketalar dasturi ishlab chiqilgani tufayli Eronga nisbatan sanksiyalar ro‘yxatini kengaytirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)