Gana Afrika Millatlar kubogida uchinchi ham bo‘la olmadi. Bosh murabbiy Avraam Grant ishdan ketdi

Futbol bo‘yicha Afrika Millatlar kubogining 3-o‘rin uchun bellashuvida Burkina-Faso terma jamoasi 1:0 hisobida zafar quchdi. Uchrashuvdagi yagona gol Alen Traore tomonidan 89-daqiqada urildi.

Foto: Getty Images

Foto: Getty Images

Gana yarim final o‘yinida Kamerun terma jamoasiga imkoniyatni boy bergandi. Keyinroq esa Afrikaning uchinchi jamoasi bo‘lish imkoniyatini ham qo‘ldan chiqardi. Bu holat bosh murabbiy Avraam Grantning iste’fosiga sabab bo‘ldi.

Mutaxassis 2014-yildan buyon ganaliklarga ustozlik qilib kelayotgandi. Afrika Millatlar kubogining 2017-yilgi mavsumi uning uchun so‘nggisi bo‘ldi.

Bugun — 5-fevral kuni musobaqaning finalida Kamerun va Misr terma jamoalari o‘zaro maydonga tushadi. Misrliklar Millatlar kubogida yetti bor zafar quchgan bo‘lsa, kamerunliklarga g‘oliblik to‘rt bor nasib qildi.

Afrika Millatlar kubogi
3-o‘rin uchun o‘yin
4-fevral, shanba

Burkina-Faso — Gana 1:0

Gollar: Alen Traore, 89 (1:0).

↓ KEYINGI XABAR ↓
Boshiga chiqing