Angliya milliy terma jamoasi, Londonning “Chelsi” va Manchesterning “Siti” futbol klublari sobiq a’zosi Frenk Lemprad futbolchilik faoliyatini yakunladi.
Aqlbovar qilmas 21 yil ortda qoldi. Va men futbolchilik karyeramni yakunlash uchun qulay fursat kelganini his qildim.Frenk Lempard ham Yevropa Chempionlar ligasida, ham Yevropa ligasida muvaffaqiyat qozona olgan. U uch bor Angliya chempionligini qo‘lga kiritgan. To‘rt marta Angliya kubogida muvaffaqiyat qozongan. Mamlakat Liga kubogi va Superkubogini esa ikki martadan boshi uzra baland ko‘targandi.Faoliyatimni Angliya yoki xorijda davom ettirish yo‘lida qator iliq takliflar oldim. Biroq 38 yosh o‘ylashimcha yangi hayotga kirib kelish yaxshi lahza.
Shu vaqtga qadar qo‘lga kiritgan yutuqlarim bilan faxrlanaman. Angliya milliy terma jamoasida yuzlab o‘yinlar o‘tkazdim, faoliyatim davomida 300 dan ziyod gol urdim.
Endi esa ko‘plab odamlarga minnatdorchilik bildirishim kerak. Tinimsiz mehnat qilishga, ishga sadoqat va professionalizmga o‘rgatgan ota-onamga rahmat! Ular yordamida men hamma mushkulotlarni bosib o‘tdim. Oilamdan umrbod roziman, ayolim Kristin, qizlarim Luna va Ayladan ham.
Shuningdek, do‘stlarimga va men bilan bir jamoa bo‘lgan hammaga minnatdorchidik izhor qilaman. Bu men bilan ishlagan hammaga — ajoyib hamkasblarga, murabbiylarga, klub xodimlariga tegishli.
Men to‘p surgan klublarimni unutmayman. Birinchi navbatda 1996-yil debyut qilganim “Vest Hem”ni yodga olaman. Mana shunday yosh vaqtimda menga ishonch bildirganlari uchun ham rahmat. Oxirgi klublarim esa “Manchester Siti” va “Nyu-York siti”. Ular sabab faoliyatimning so‘nggi yillaridan o‘zgacha zavq oldim.
Qalbimning eng katta qismidan esa albatta “Chelsi” joy egallaydi. Bu klub menga bir qator unutilmas lahzalarni taqdim etdi. Men birgalikda erishgan muvaffaqiyatlarimizni hech qachon esdan chiqarmayman. 13 yil davomida menga yordam bergan va yelkama-yelka turgan hammaga birma-bir minnatdorchilik bildirishning imkoni yo‘q, biroq men ulardan bir umrga roziman. “Chelsi” muxlislari esa alohida olam, ular bizni juda ajoyib qo‘llay olishgandi.
Frenk Lempard