O‘zbekistonlik yarim himoyachi Aziz Ibragimov faoliyatini Eron chempionatida davom ettiradi. Bu haqda “Championat.asia” nashri ma’lumot berdi.
Avvalroq Ibragimovning xizmatlari bilan “Mashinasozi” futbol klubi qiziqayotgani aytilgandi. Jamoa tibbiy ko‘rigidan muvaffaqiyatli o‘tgan o‘zbekistonlik futbolchi forslarga ma’qul keldi va u bilan shartnoma tuzildi. Uning shartlari va qanchaga mo‘ljallangani ochiqlanmagan. Aniq tomoni “Mashinasozi” ligada so‘nggi o‘rinni egallab turibdi.
Aziz Ibragimov faoliyati davomida “Traktor”, “Sho‘rtan”, “Mash’al”, “Slovan” (Slovakiya), “Bogemians” (Chexiya), “Sindao Jonun” (Xitoy), “Banik Most” (Chexiya), “Cheske Budeyovitse” (Chexiya), “Andijon”, “Dinamo” va “Buxoro” klublarida to‘p surgan. U 2016-yilgi mavsum “Buxoro” safida 9 ta gol urib, jamoa to‘purariga aylangandi.