Lego kompaniyasi Lego Life ijtimoiy tarmog‘ini yaratdi, deb yozadi “Hi-tech.mail.ru”. U xavfsiz bo‘lib, 13 yoshgacha bolalar uchun mo‘ljallangan.
Har qanday ijtimoiy tarmoqda qo‘pollikka duch kelish yoki “kattalar uchun” kontentni ko‘rib qolish hech gap emas. Lego Life’da hammasi boshqacha — kimnidir haqorat qilish juda qiyin, chunki muloqot emodzi va stikerlar yordamida amalga oshiriladi.
Ijtimoiy tarmoq Lego tomonidan UNICEF bilan hamkorlikda yaratildi. Uning maqsadi — bolalarni muloqot uchun maydon bilan ta’minlash, Lego’dan yasalgan “asarlari” foto va videolari bilan bo‘lishish, maslakdoshlarni topish imkonini berish. Muhokamalar ham qilish mumkin, ammo faqat emodzi va stikerlar yordamida, shu tufayli salbiy fikrlarga bola duch kelmaydi.
Tarmoqqa kirish uchun dasturni yuklab olish kerak, iOS va Android uchun versiyalar bor. Ro‘yxatdan o‘tishda bola ota-onasining e-mail’ini ko‘rsatadi, ular esa akkaunt yaratilishini tasdiqlaydi. Hozircha Lego Life faqat AQSh, Buyuk Britaniya, Germaniya va Fransiyada ishga tushirildi.