Facebook kompaniyasi o‘tgan kvartal va 2016-yil moliyaviy ko‘rsatkichlari haqida hisobot berdi. Bu haqda kompaniya hisobotida ma’lum qilindi, deb yozadi “Gazeta.ru”.
Facebook’ning 2016-yil to‘rtinchi choragidagi daromadi 8,81 milliard dollarni tashkil etdi, bu esa 2015-yilning shu choragiga qaraganda 51 foizga yuqoridir. Kompaniyaning sof foydasi 3,57 milliard dollarni tashkil etdi, bu Facebook’ning 2015-yil to‘rtinchi choragi foydasiga qaraganda 128 foizga ko‘p.
2016-yil yakunlariga ko‘ra, kompaniya daromadi 27,64 milliard, sof daromadi esa 10,22 milliard dollardan iborat bo‘ldi. Shu tariqa, 2015-yil bilan taqqoslaganda, Facebook’ning sof foydasi 177 foizga oshdi.
Bundan tashqari, dekabr oyida ijtimoiy tarmoqqa har kuni kirgan foydalanuvchilarning o‘rtacha soni 1,23 milliard kishini tashkil etdi. Bu esa ularning soni o‘tgan yil bilan taqqoslaganda 18 foizga oshganligini ko‘rsatadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)