O‘zbekiston Oliy Majlisi Senati raisining birinchi o‘rinbosari Sodiq Safoyev 1-fevral kuni Chexiya elchisi Yaroslav Siro bilan uchrashdi. Bu haqda Oliy Majlis Senati axborot xizmati xabar bermoqda.
Bo‘lib o‘tgan suhbat chog‘ida tomonlar O‘zbekiston va Chexiya o‘rtasidagi siyosiy hamda iqtisodiy munosabatlarni ham ikki tomonlama asosda, ham Yevropa Ittifoqi bilan muloqot doirasida rivojlantirish yuzasidan fikr almashdi.
O‘z navbatida, Siro ikki tomonlama parlamentlararo hamkorlikni jadal rivojlantirish maqsadida ikki mamlakat parlament a’zolari o‘rtasida to‘g‘ridan-to‘g‘ri muloqot va shaxsiy aloqalar o‘rnatish muhimligini qayd etdi.
Shu nuqtai nazardan Chexiya parlamenti Deputatlar palatasi raisi Yan Gamachekning fevral oyida O‘zbekistonga amalga oshiradigan tashrifiga tayyorgarlik ko‘rish masalalari muhokama etildi.
Suhbat so‘ngida tomonlar hamkorlikning barcha yo‘nalishlari bo‘yicha ikki tomonlama munosabatlarni, shu jumladan, ikki mamlakat o‘rtasida parlamentlararo aloqalarni yanada rivojlantirishdan o‘zaro manfaatdorligini ta’kidladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)