“Bunyodkor”
Toshkentning “Bunyodkor” klubi 2017-yil jamoa sharafini himoya qiladigan yangi — to‘rt nafar futbolchini tanishtirdi: “Qizilqum”dan Nodirxon Kamolov, “Buxoro”dan Alisher Sanoyev, moldovalik Vadim Chemirtan va serbiyalik Dushan Michich.
“Bunyodkor” yangi mavsumda olovrang libosda ham to‘p suradi. Bu hol chililik hujumchi Xose Luis Vilyanueva jamoa sharafini himoya qilgan 2008-yilda ham bo‘lgandi.
Izzatbek G‘aniyev
Ko‘pchilik uchun notanish futbolchi. Chunki u so‘nggi mavsumni 1-liganing “Xotira-79”, Yozyovon-lochinlari” kabi jamoalarda o‘tkazdi. Qiziq tomoni, to‘liq professional bo‘lmagan shunday ligalarda o‘ynab turib ham legionerga aylanishi mumkin ekan.
Bahraynning “Al Hala Muharraq” klubi Izzatbek G‘aniyevni o‘z safiga qo‘shib oldi. Bu haqda xabar bergan “Championat.asia” shartnoma shartlariga to‘xtalmagan.
“Al Hala Muharraq” uch bor Bahrayn Qirol kubogini qo‘lga kiritgan, 1979-yil mamlakat chempionligini qo‘lga kiritgan. Ayni paytda klub 10 ta jamoa ishtirok etadigan Bahrayn Premyer-ligasida 9-turdan keyin 9-o‘rinni egallab turibdi.
Izoh (0)