Donald Trampning maslahatchisi, PayPal’ning asoschilaridan biri Piter Til nafaqat AQSh, balki Yangi Zelandiyaning ham fuqarosi bo‘lib chiqdi. Buni The New Zealand Herald gazetasi jurnalistlari aniqladi, deb yozadi Meduza.
Parlamentdagi muxolifat vakillari mazkur holat bo‘yicha tushuntirish berilishini talab qildi. Sobiq ichki ishlar vaziri Netan Gay Piter Tilga mansabdorlar maslahatiga ko‘ra fuqarolik berganligini ma’lum qildi. U amerikalik biznesmenga fuqarolik taqdim etilishining boshqa tafsilotlarini eslay olmadi.
Odatda Yangi Zelandiya fuqaroligini olish uchun besh yil davomida 1 350 kundan kam bo‘lmagan muddat mobaynida mamlakatda yashash lozim. Piter Til mamlakatda shuncha vaqt o‘tkazmagan. Fuqarolik olishdan bir oy avval Til zilziladan jabrlanganlarga million dollar yordam o‘tkazgan. Yangi Zelandiya hukumati Piter Til fuqarolikni sotib olganligini rad etmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)