Amirliklarda bo‘lib turgan Gruziya terma jamoasi Iordaniyaga qarshi o‘rtoqlik o‘yinida maydonga tushdi va 0:1 hisobida imkoniyatni boy berdi. Bu haqda “Championat.asia” nashri ma’lumot berdi.
Uchrashuvdagi yagona gol 45-daqiqaga kelib Hamza Al-Dardur tomonidan urildi. Qayd etish kerak, Iordaniya terma jamoasi JCh—2018 uchun kurashdan chiqib ketgan bo‘lsa, Gruziya terma jamoasi Rossiya mundiali uchun harakatni davom ettirmoqda.
Abdulloh Mesfer boshqaruvidagi iordaniyaliklar ayni vaqtda Osiyo kubogi—2019 yo‘llanmasini qo‘lga kiritish uchun raqobat olib boradi. Uning raqiblari: Vyetnam, Kambodja va Afg‘oniston.
Ma’lumot uchun, Gruziya terma jamoasi uch kun muqaddam O‘zbekiston termasi bilan ham maydonga tushib, 2:2 hisobida durang o‘ynagandi.
O‘rtoqlik uchrashuvi BAA, Dubay 25-yanvar, chorshanba
Izoh (0)