Ushbu maqolada har bir ayolning garderobida bo‘lishi zarur bo‘lgan tayanch aksessuarlar haqida gapiramiz.
Sumka
Har bir ayol garderobida turli liboslarga mo‘ljallangan 3 xil sumka bo‘lishi lozim. Asosiy sumka qora, to‘q ko‘k yoki to‘q kulrangda bo‘lgani yaxshi.Garderobingizda yelkaga osiladigan ingichka tasmali yoki zanjirli kichkina sumka ham bo‘lishi kerak. U kundalik va ishga kiyadigan palto yoki kurtkangiz bilan juda mos tushadi.
Tantanali kechalar va kechki bazmlar uchun to‘r yoki atlas matodan yasalgan klatchni tanlaganingiz ma’qul.
Bezaklar
Asosiy bezaklar bilaguzuk, kolye va soatlardan iboratdir.Bilaguzuk turlari juda ko‘p. Lekin, har bir ayolda barcha liboslarga mos keladigan yaltiroq metaldan keng qilib yasalgan bilaguzuk bo‘lishi lozim.
Kolye o‘rnida hamma kiyimlar bilan yarashadigan osilib turuvchi uzun zanjirni tanlaganingiz ma’qul.
Oxirgi bezak – “erkaklar” soati. Uning qo‘pol shakli bilaklarni yanada noziklashtirib ko‘rsatadi.
Izoh (0)