Dow Jones indeksi 25-yanvar tongidagi savdolar chog‘ida tarixda ilk bor 20 ming punktdan oshdi, deya xabar bermoqda Meduza.
Donald Trampning g‘alabasi bilan yakuniga yetgan 8-noyabrdagi AQSh prezident saylovi kunidan beri indeks qariyb 10 foizga o‘sgan.
Tramp saylangan vaqtdan beri Dow Jones indeksi bir necha bor 20 ming punktga yaqinlashgan edi — masalan, 6-yanvar kuni 0,37 punkt yetmay qoldi.
Qayd etish joiz, 2008-yilgi moliyaviy inqirozdan beri Dow Jones indeksi ikki barobardan ko‘proqqa o‘sgan.
“Indeksning keskin o‘sishi Tramp iqtisodiy o‘sishni oshirish va Amerika kompaniyalarini tartibga solishni kamaytirishga qaratilgan siyosat olib boradi, degan umidlardan kuch olmoqda”, — deb yozadi The Guardian.
Dow Jones AQSh iqtisodiyotidagi ahvolni qisman ko‘rsatib bera oladi. U Amerikaning eng yirik 30 ta kompaniyasi kotirovkalariga asoslanadi.
Umuman olganda, nisbatan keng bozor indeksi hisoblangan S&P 500 ham so‘nggi vaqtlarda o‘smoqda: u 8-noyabrdan beri deyarli 6 foizga o‘sgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)