“Buk” raketa majmuasini ishlab chiqaruvchi konsern Yevroittifoq sanksiyalari haqidagi da’voda yutqazdi

Yevropa Ittifoqi sudi Rossiyaning havo hujumiga qarshi mudofaa tizimlarini ishlab chiqaruvchi “Almaz-Antey” konserniga nisbatan kiritilgan sanksiyalarni qonuniy deb topdi. Konsern o‘z aktivlari muzlatib qo‘yilgani yuzasidan sudga da’vo arizasi berishga uringan edi, deb yozadi Meduza.

O‘z qarorida sud Yevroittifoq Kengashi Rossiya Ukraina sharqidagi ayirmachilarga qurol yetkazib berayotgani yuzasidan yetarlicha dalillarni taqdim etganini ta’kidladi. Rossiya uchun qurol-yarog‘ ishlab chiqaruvchi “Almaz-Antey shu tariqa, qo‘shni davlatning hududiy yaxlitligi buzilishini bilvosita qo‘llab-quvvatlamoqda, deb topdi sud.

Shu bilan birga, sud sanksiyalar haqidagi qaror qabul qilinishiga “Boing” halokati ta’sir qilmaganini qayd etdi. Tergov ma’lumotlariga ko‘ra, “Boing” konsern ishlab chiqaradigan “Buk” raketa majmuasi tomonidan urib tushirilgan edi.