Egasi bilan videoaloqa orqali so‘zlashuvchi Kaygo laqabli it ijtimoiy tarmoq foydalanuvchilarining mehrini qozondi, deb yozadi BuzzFeed.
Kaliforniyalik Edison Fontanilla FaceTime’dagi qo‘ng‘irog‘idan olingan to‘rtta skrinshotni Twitter’dagi sahifasiga joylashtirdi. It dastlab qurilma ekranidagi egasining yuziga hayrat bilan qaradi. So‘ngra telefonga suykala boshladi.
Kaliforniyalikning posti bir hafta ichida 26 ming martadan ortiq ulashildi.
Fontanillaning hikoya qilishicha, u oilasi bilan uch haftaga Filippinga dam olish uchun uchib ketgan. Itini esa katta opasi bilan qoldirgan. Uy hayvoni birinchi marta egalari bilan uzoq muddatli ayriliqni boshdan kechirgan va smartfon ekranida ularni ko‘rishi bilan itning yuzida quvonch paydo bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)