Hindistonning Andxra-Pradesh shtatidagi Kunera stansiyasi yaqinida yuz bergan poyezd halokati oqibatida kamida 32 kishi halok bo‘ldi. TJournal’ning yozishicha, 100 dan ortiq yo‘lovchi jabrlangan.
Hodisa sabab yo‘lda poyezdlar harakati to‘xtatilgan, qutqaruvchilar voqea joyiga yetib borgan. Temiryo‘l hodisasi sabablari aniqlanmoqda.
Hindistondagi poyezd halokatlarining aksariyati poyezdlar va vagonlarning haddan tashqari eskirib ketgani sabab yuz beradi.
Biroq joriy holatda temiryo‘l kompaniyasi vakillari mazkur halokat shtatda faol bo‘lgan maochi-jangarilar tomonidan uyushtirilgan bo‘lishi mumkin, degan taxminni istisno qilmayapti.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)