AQSh mudofaa vazirligi Afg‘oniston armiyasida 30 ming “o‘lik jon” borligini gumon qildi va ularni Kobuldan mazkur harbiylar mavjudligini tasdiqlovchi dalillar olinguncha, to‘lov ro‘yxatlaridan chiqarib tashladi. Bu haqda AQSh qurolli kuchlari general-mayori Richard Keyzer ma’lum qildi, deya xabar beradi “TASS”.
General so‘zlariga ko‘ra, bunday chora har oyda amerikalik soliq to‘lovchilar hisobidan Afg‘oniston armiyasi va xavfsizlik kuchlarini ta’minlash uchun ajratilayotgan 13 million dollarga yaqin mablag‘ tejalishiga imkon yaratadi. Pentagon turli sabablarni ro‘kach qilib xizmatga chiqmayotgan yoki armiya safida qog‘ozdagina mavjud bo‘lib turgan harbiy xizmatchilarga maosh to‘lash niyatida emas.
Afg‘on armiyasi shaxsiy tarkibining tekshirilishi Pentagon tomonidan o‘tkazilayotgan mamlakatda korrupsiyaga qarshi kurash kampaniyasi doirasida boshlandi. Shuningdek, AQShning mamlakatni tiklash bo‘yicha maxsus bosh inspektori idorasining afg‘on harbiy xizmatchilari dushmanlarga qurol-yarog‘ va harbiy texnika sotish holatlari ham mavjudligini bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)