Avstraliyaning Melburn shahrida noma’lum kimsa mashinada olomon ustiga bostirib bordi, natijada uch kishi halok bo‘ldi, yana kamida 20 kishi jarohat oldi, jabrlanganlar orasida yosh bola bor. Bu haqda “Kommersant” Daily Mail Australia’ga tayanib xabar bermoqda.
Hodisa mahalliy vaqt bilan 13:30 da, shahar ko‘chalarida tushlik tanaffusi tufayli ayniqsa ko‘p odam to‘planadigan vaqtda yuz berdi. Reuters xabariga ko‘ra, avtomobilning harakatlari “tartibsiz” bo‘lgan, guvohlar, shuningdek, o‘q ovozlarini eshitganini ma’lum qilgan.
Internetda favqulodda vaziyat joyidan olingan video paydo bo‘ldi, unda qizil mashina haydovchisi chorraha bo‘ylab aylana harakat qilgani, so‘ngra ataylab yuqori tezlikda piyodalarni bosib keta boshlaganini ko‘rish mumkin.
Car rams into pedestrians in #Melbourne #cbd pic.twitter.com/wc5Q1lT1NK
— Solf (@iamsolfa) January 20, 2017
Voqea joyiga politsiya xodimlari va tez yordam yetib kelgan, u yerda mashinalar va tramvaylar harakati to‘xtatilgan. Hodisa yuz bergan vaziyat va uning sabablari aniqlashtirilmoqda, ammo politsiyadagilar hodisani terrorchilik harakati deb hisoblamaydi.
Hodisani tekshirish doirasida avtomobil haydovchisi deb taxmin etilayotgan bir erkak qo‘lga olindi. Viktoriya shtati politsiyasi boshlig‘i Styuart Beyson hibsga olingan shaxs avvalroq sovuq qurol bilan uyushtirilgan hujumga aloqador bo‘lishi mumkinligini aytdi.
Izoh (0)