Seul markaziy sudi Samsung Electronics kompaniyasi vitse-prezidenti Li Chje Yonni hibsga olish uchun order berish masalasi haqidagi ishni ko‘rib chiqishni boshladi, deb yozadi “TASS”. U poraxo‘rlik, kompaniya mablag‘larini o‘zlashtirish va yolg‘on ko‘rsatmalar berishda gumonlanmoqda.
Koreya Respublikasi maxsus prokurori Pan Yon Su tegishli da’voni sudga 16-yanvar kuni yubordi. U, shuningdek, mamlakat hukumatidagilar hibs Janubiy Koreyaning eng yirik kompaniyalaridan biriga salbiy ta’sir o‘tkazishi mumkinligini inobatga olgan holda, ushbu masalada bosiqlik bilan yondashish kerakligini aytishganini ta’kidladi.
Ammo maxsus prokuror jinoyatning og‘irligini va pretsedentlar mavjudligini hisobga olib, qonunning rasmiy talqini bilan harakat qilishga qaror qildi.
Tergov versiyasiga ko‘ra, aynan Li Chje Yon mamlakat prezident Pak Kin Xening yaqin dugonasi Chxve Sun Silga moliyaviy ko‘mak berish haqidagi qarorni qabul qilgan, evaziga esa hukumat tomonidan biznesni samaraliroq yuritish uchun turli murosalarni talab qilgan.
Izoh (0)