Toshkentning Yashnobod va Olmazor tumanlarida innovatsion texnoparklar paydo bo‘lishi mumkin

Toshkentning Yashnobod va Olmazor tumanlarida innovatsion texnoparklar paydo bo‘lishi mumkin. Iqtisodiyot vazirligi tomonidan tayyorlangan Prezidentning tegishli farmoni loyihasi Yagona interaktiv davlat xizmatlari portalida joylashtirildi, deya xabar beradi “Gazeta.uz”.

Yashnobod tumanida manbashunoslik, elektron qurilmalar va kontrollyorlar, ozuqa va biofaol qo‘shimchalar hamda dori-darmon vositalari yo‘nalishida tadqiqotlar olib boriladigan innovatsion texnopark joylashtirilishi rejalashtirilmoqda.

Olmazor tumanidagi texnoparkda esa metallni qayta ishlash, energiyani tejash, muqobil energiya manbalari va elektron o‘lchov asboblari, robototexnika, mashinasozlik va elektronika texnologiyalari bilan shug‘ullanilishi ko‘zda tutilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.