Shu yil urf bo‘lgan qishki kiyimlar

Bu maqolada siz har bir zamonaviy ayol sotib olishi kerak bo‘lgan qishki kiyimlar to‘g‘risida o‘qishingiz mumkin.

Duxoba ko‘ylak

Bu mavsumda duxoba – jinsi, top va jemperlar bilan birgalikda kundalik kiyiladigan liboslar qatoridan joy oldi.

Palto

Paltolar uchun har doimgidek eng ommabop, urfda bo‘lgan va go‘zal ranglar – och jigarrang va sarg‘ish ranglar hisoblanadi. Uzunligiga kelganda esa, qancha uzun bo‘lsa, shuncha issiq va uslubga muvofiq bo‘ladi.

Qalin sviter

Bu mavsumda eng so‘nggi urfda bo‘lgan kiyinish – bu issiq kiyinish. Tabiiy jundan, yumshoq va juda shinam sviterlar ayni muddao. Qanday uslubdagisini tanlash esa sizning didingizga bog‘liq.

Puxovik (par kurtka)

Biz bilamizki, bu mavsumda eng urf hisoblanuvchi issiq kiyim – puxoviklar. Eng ajoyib puxoviklarni topish qiyin bo‘lsa-da, iloji bor.

Trikotaj

Bu mavsumning oldingilaridan farqi shuki, hozir faqat bluzkalar emas, balki trikotaj matodan tikilgan kombinezonlar, midi ko‘ylaklar, keng shimlar va dunyodagi eng qulay kostyumlar rasm bo‘lgan.