Bola dunyoga kelgan kunidanoq turli o‘yinchoqlar nafaqat uni xursand qilishga, balki u barkamol rivojlanishiga ham xizmat qiladi. Biz eng yosh bolalar uchun eng yaxshi o‘yinchoqlar to‘plamini tuzdik. Rukn homiysi — “Bolalar uchun LINEKS®”.
Osma shaqildoq, marjonlar, mobili
0 dan 3 oylikkacha bo‘lgan bolalar uchun
Ko‘rish va eshitish qobiliyatini rivojlantiradi, diqqatni bir joyga jamlashga o‘rgatadi, shuningdek, ijtimoiy-ruhiy rivojlanishiga ko‘maklashadi. Keyinroq bola ularga talpinishni boshlaydi, “qo‘l-ko‘z” harakatlarini boshqarishni o‘rganadi.
Shaqildoq
0 dan 12 oylikkacha bo‘lgan bolalar uchunMayda motorikani, diqqatni jamlashni, lokomotorikani (harakatlarni umumiy jamlashni) rivojlantiradi.
Piramida
6 oydan oshgan bolalar uchunSensomotor koordinatsiyani shakllantirishga, “qo‘llar va ko‘zlar” harakatini muvofiqlashtirishga yordamlashadi. O‘yinchoqning tarkibiy qismlaridan foydalanib, bolani shakl, rang va hajm haqidagi asosiy tushunchalar bilan tanishtirish mumkin.
Bir-birining ichiga tushadigan o‘yinchoqlar
6 oydan oshgan bolalar uchunBunday o‘yinchoqlarning asosiy turlari — idishlar va ramkalar. O‘yinchoqning tarkibiy qismlarini birlashtirar ekan, bola buyumlarning hajmi va shaklini solishtirishni, qo‘l va ko‘z harakatlarini boshqarishni o‘rganadi. Bu o‘yinchoqlar, shuningdek, fikrlash va tasavvur qobiliyatini rivojlantiradi.
Obrazli o‘yinchoqlar — qo‘g‘irchoqlar, hayvonlar va h.k.
12 oydan oshgan bolalar uchunUlar bolada shaxs tushunchasi rivojlanishiga, ijtimoiy-ruhiy rivojlanishga ko‘maklashadi, bola insonlar olamiga “qo‘shilishiga” yordam beradi, o‘yinning syujet liniyasini o‘ylab topar ekan, bolaning tasavvuri va xayol qilish qobiliyati rivojlanadi.
Rivojlantiradigan yumshoq kitoblar
6 oydan oshgan bolalar uchun
Bolalarda mayda motorikani rivojlantiradi, shakl, rang va hajm tushunchasi bilan tanishtiradi. Mavzuga qarab, bunday kitobchalar bolalarni tabiat hodisalari, hayvonlar, uy-ro‘zg‘or buyumlari va boshqa ko‘plab mavzular bilan tanishtiradi.
Montessori taxtasi
12 oylikdan 2 yoshgacha bo‘lgan bolalar uchun
Mayda motorikani, mantiqni va harakatlarni boshqarish qobiliyatini rivojlantiradi. Turli buyumlarni va ularning vazifalarini tushunishga yordam beradi.
Barmoq bilan surtiladigan bo‘yoqlar
1,5 yoshdan oshgan bolalar uchunTasavvurni, xayol qilishni, mantiqiy fikrlashni va qo‘llarning mayda motorikasini rivojlantiradi. Ranglarni o‘rganishga, sabab-oqibat bog‘liqligini, ya’ni oq qog‘oz ustiga bo‘yoq surtilsa, iz qolishini tushunishga yordam beradi.
Mexanik mashinali yog‘och relslar
2 yoshdan oshgan bolalar uchunBu yoshdagi bolalar uchun mo‘ljallangan boshqa o‘yinchoqlar kabi rang, shakl va hajmni o‘rganishga yordamlashadi, mayda motorikani va tasavvurni, mantiqni rivojlantiradi.
Begovel (tepkisiz velosiped)
2 yoshdan oshgan bolalar uchun
Koordinatsiyani rivojlantiradi, muvozanat ushlashni o‘rganishga yordamlashadi.
*Yo‘riqnomaning to‘liq matni bilan ushbu havolada tanishishingiz mumkin.
Reklama huquqi asosida.
Izoh (0)