Nursulton Nazarboyevning 15-yanvar, yakshanba kuni Abu-Dabiga rasmiy tashrifi davomida Qozog‘iston va Birlashgan Arab amirliklari o‘rtasidagi hamkorlikni rivojlantirishga qaratilgan hujjatlar imzolanadi. Bu haqda “TASS” xabar bermoqda.
2017-yildagi ilk xorijiy tashrifi davomida Qozog‘iston rahbarining Abu-Dabi valiahd shahzodasi, BAA oliy qo‘mondoni o‘rinbosari shayx Muhammad bin Zayd al-Naxayon hamda boshqa davlat arboblari bilan uchrashuvi ko‘zda tutilgan. Shuningdek, 16-yanvar kuni “Kelajak energiyasi” X xalqaro sammitida ishtirok etadi.
Uchrashuvlar chog‘ida qator hujjatlar, jumladan, konsullik masalalari, moliya, turizm, transport sohalarida memorandumlar imzolanishi rejalashtirilgan.
Ma’lumot uchun, 2005–2016-yillarda BAAning Qozog‘iston iqtisodiyotiga to‘g‘ridan-to‘g‘ri investitsiyalari hajmi salkam 2 milliard dollarni tashkil etdi.
Izoh (0)