Indoneziyada qidiruvda bo‘lgan terrorchilar ro‘yxatida birinchi o‘rinlardan birini egallab kelayotgan va IShID guruhining dala qo‘mondoni bo‘lgan Bahrum Naim respublikada teraktlar tayyorlashni moliyalashtirish uchun PayPal to‘lov tizimi, shuningdek, bitkoinlar (virtual valyuta)dan foydalangan. Bu haqda pul yuvishga qarshi kurash bo‘yicha milliy agentlik ma’ruzasida aytiladi, deb yozadi “TASS”.
Xususan, muassasa o‘tgan yili chet eldan terrorchilik faoliyati uchun mo‘ljallangan 25 ta pul o‘tkazmalarini qayd etgan. 2015-yilda esa bunday pul o‘tkazmalari bilan bog‘liq 12 ta holat qayd etilgan, xolos. Tranzaksiyalarning bir qismi Yava orolida harakat qiladigan ekstremistik yacheyka foydasiga amalga oshirilgan. Uning faoliyatiga yaqinda maxsus aksilterrorchilik bo‘linmasi tomonidan chek qo‘yilgan.
“Hozir biz pul o‘tkazishning PayPal va bitkoinlar kabi usullari haqida gapirmoqdamiz, biroq 2—3 yildan so‘ng yangi shakllar ham paydo bo‘lishi mumkin”, — deya ogohlantirdi pul yuvishga qarshi kurash bo‘yicha milliy agentlik rahbari.
Izoh (0)