AQSh Davlat kotibligiga nomzod Reks Tillerson Senat oldidagi chiqishi chog‘ida Rossiyaning Qrimga bo‘lgan huquqini tan olmasligini bildirdi. Bu haqda TJournal xabar bermoqda.
Rossiya xavf tug‘diradi, o‘zining manfaatlarini ilgari surishda nimalarga qo‘l urishini oldindan aytib bo‘lmaydi. U Ukrainaga bostirib kirdi, Qrimni bosib oldi, urush qonunlarini qo‘pol ravishda buzayotgan Suriya qo‘shinlarini qo‘llab-quvvatladi. NATOdagi ittifoqdoshlarimiz Rossiyaning uyg‘onishidan xavfsirashga asoslari bor.ExxonMobil neft kompaniyasi rahbari Rossiya dunyo sahnida e’tirof etilishiga intilayotgani, biroq bunda Amerika manfaatlarini hisobga olmayotganini ma’lum qildi. Shu bilan birga, nomzod o‘z yo‘nalishini qanday belgilab olishni bilishi uchun AQShga Rossiya bilan ochiq va oshkora muloqot zarurligini aytib o‘tdi.Reks Tillerson, AQSh Davlat kotibligiga nomzod
Tillerson hamkorlik bo‘lgan taqdirda umumiy manfaatlarga erishish mumkin bo‘lgan masalalar, jumladan, terrorizmga qarshi kurashda AQSh Rossiya bilan aloqalarni davom ettirishi, biroq davlatlar o‘rtasida qarama-qarshilik kuzatilgan holatlarda o‘zi va ittifoqdoshlari manfaatlarini himoya qilishini bildirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)