Qatar poytahti Dohada bo‘lib turgan Xitoyning “Shanxay SIPG” futbol klubi Saudiya Arabistoni birinchi divizioni vakili “Al-Batin” klubiga qarshi o‘rtoqlik o‘yini o‘tkazdi. Bu haqda “Championat.asia” nashri xabar berdi.
Uchrashuv O‘zbekiston milliy terma jamoasi sardori Odil Ahmedov harakat qiladigan Shanxay klubining 2:1 hisobidagi g‘alabasi bilan yakuniga yetdi. Bellashuvni Ahmedov boshlang‘ich tarkibda o‘tkazdi.
Saudiyaliklar darvozasiga urilgan gollarga “Shanxay SIPG”ning yangi xaridi Oskar va mahalliy futbolchi Lyu Venjun mualliflik qildi.
Qishki tanaffusni Qatarda o‘tkazayotgan Germaniyaning “Bavariya” klubi futbolchilari “Shanxay SIPG” klubi ishtirokidagi o‘yinni stadionning o‘zidan tomosha qilgan.
Izoh (0)