Misrning Sharif Ismoil rahbarligidagi joriy hukumati tarkibi yaqin orada tubdan o‘zgarishi mumkin, deb yozadi “TASS” Al-Ahram gazetasiga tayanib.
Misr hukumatidagi xabardor manbalar ma’lumotlariga ko‘ra, 2017-yil martigacha amaldagi mahkamaning 13 nafardan 15 nafargacha vazirlari o‘z lavozimlaridan bo‘shatilishi mumkin. Birinchi navbatda, manbalar ta’kidlashicha, iqtisodiy blok rahbarlari iste’foga chiqariladi, ular mamlakatdagi vaziyatni, xususan, o‘tgan yilning noyabrida milliy valyuta — Misr funtining erkin kursi haqidagi qarordan so‘ng narxlarning “uchishi”ni eplay olmayapti.
Ayni paytda Misr parlamentining bir guruh deputatlari mamlakat hukumati va har bir vazirlik faoliyatining samaradorligi haqida maxsus ma’ruza tayyorlamoqda. Uning yakuniy varianti deputatlarga aynan 2017-yil martida taqdim etiladi.
Izoh (0)