CES 2017 ko‘rgazmasida ichki molekulyar datchikka ega birinchi smartfon taqdim etildi, deb yozadi “Hi-tech.mail.ru”. Changhong H2 asl dorilar, zargarlik buyumlari va boshqa buyumlarni ularning tarkibiga qarab qalbakilaridan farqlay oladi.
Smartfon molekulyar datchik bazasidagi skanerni yoqadi. U infraqizil spektroskopiya texnologiyasi asosida ishlaydi. Yorug‘lik nurini buyumga yo‘naltirish orqali, datchik material spektriga ega bo‘ladi va u orqali uning molekulyar darajadagi tarkibini bilib olishi mumkin.
Qurilmani ko‘plab maqsadlarda ishlatish mumkin. U material ta’mini seza oladi, deyish mumkin, aynan shu narsa qalbaki buyumni aniqlash imkonini beradi. Uni, masalan, do‘konda qadoqlangan mahsulotlarning tarkibini bilish uchun qo‘llash mumkin. Eng mazali hamda nitratlar qo‘shilmagan mevalarni tanlash uchun ularni smartfon yordamida skanerlash kifoya. Shuningdek, datchik organizmdagi yog‘ miqdorini ham aniqlay oladi.
Changhong H2 Xitoyda 2017-yil boshida sotuvga chiqadi. Keyinroq qurilma boshqa mamlakatlarda ham paydo bo‘ladi. Changhong H2’ning narxi taxminan 400 dollar bo‘lishi mumkin.
Izoh (0)