La liga. “Atletiko” 2 ta, “Sevilya” 4 ta, “Real Madrid” 5 ta gol farqi bilan zafar quchdi

Futbol bo‘yicha Ispaniya la ligasining 17-tur bellashuvlari bo‘lib o‘tdi. Shu tariqa mamlakat klublari qishki ta’tildan rasman chiqib keldi.

Madridda “Granada”ni qabul qilgan “Real” yirik — 5:0 hisobida zafar quchdi. Bellashuvda Isko dubl qayd etdi. Eslatma: “Real” qishki ta’tildan keyingi birinchi uchrashuvini Ispaniya kubogi doirasida “Sevilya”ga qarshi o‘tkazib, yetakchilarsiz o‘ynashiga qaramay 3:0 hisobida zafar quchgandi.

Mazkur turda “Sevilya”ning o‘zi ham yirik g‘alabani tantana qildi. Mavsumni ko‘tarinki ruhda olib borayotgan “Real Sosyedad” maydoniga safar etgan Xorxe Sampaoli jamoasi javobsiz 4 ta gol urdi va turnir jadvalida “Barselona”dan oldinroqqa o‘tib oldi.

San-Sebastyan klubining bu ochko yo‘qotishi “Atletiko”ga qo‘l keldi va Madrid klubi o‘z g‘alabasi bilan kuchli to‘rtlikka kirib oldi.

Bugun — 8-yanvar kuni turning markaziy o‘yini “Vilyarreal” — “Barselona” Toshkent vaqti bilan 9-yanvarga o‘tar kechasi 00:45 da start oladi.

Ispaniya la ligasi 17-tur uchrashuvlari 6-yanvar, juma

“Espanyol” — “Deportivo” 1:1

7-yanvar, shanba

“Real Madrid” — “Granada” 5:0

“Eybar” — “Atletiko” 0:2

“Las-Palmas” — “Sporting” 1:0

“Real Sosyedad” — “Sevilya” 0:4

8-yanvar, yakshanba“Atletik” — “Alaves”“Betis” — “Leganes”“Selta” — “Malaga”“Vilyarreal” — “Barselona”

9-yanvar, dushanba“Osasuna” — “Valensiya”