Gripp epidemiyasi Fransiyaning Lion shahridagi qariyalar uyida istiqomat qilgan 13 kishi hayotdan ko‘z yumishiga sabab bo‘ldi. Bu haqda mamlakat ijtimoiy ishlar va sog‘liqni saqlash vaziri Marisol Turen ma’lum qildi, deb xabar beradi “TASS”.
Vazirga ko‘ra, barcha o‘lim holatlari 23-dekabrdan 7-yanvargacha bo‘lgan muddatda ro‘y berdi. Vafot etganlarning o‘rtacha yoshi 91,5 bo‘lgan.
Hozirda qariyalar uyida yashovchi 72 kishidan olti nafari kasalxonaga yotqizildi. Marisol Turen mamlakat ijtimoiy ta’minot bosh boshqarmasiga mazkur “o‘ta tashvishli hodisa” bo‘yicha tekshiruv o‘tkazish haqida ko‘rsatma berdi.
Ma’lumot uchun, Fransiyada o‘tgan yil dekabridan grippning bir necha turi tarqala boshladi. Oy yarmiga kelib, mamlakatda epidemiya holati qayd etildi.
Izoh (0)