Eron oxirgi uch oy mobaynida suzuvchi omborxonalarida saqlanayotgan xomashyoning deyarli yarmi — 13 million barrelga yaqin neftni sotdi. Bu haqda “TASS” xabar bermoqda.
Reuters agentligiga ko‘ra, o‘tgan yil oktabri boshlarida Eron tankerlarida 29,6 million barrelga yaqin neft bo‘lgan. Hozirda 30 ta shunday kemadan 12-14 tasi to‘liq holda qolmoqda. Neft Osiyo mamlakatlari, jumladan, Xitoy, Hindiston va Janubiy Koreya, shuningdek, Yevropa davlatlari, xususan, Italiya va Fransiyadagi xaridorlarga jo‘natilgani bildirilmoqda.
Eron OPEKdagi neft ishlab chiqarish hajmi bo‘yicha uchinchi davlat sanaladi. Kartel noyabrda qabul qilgan xomashyo qazib olishni cheklash haqidagi qarorda sanksiyalardan so‘ng neft eksportini tiklayotgan Eron uchun istisno qilindi.
Izoh (0)