HAMAS harakatiga ko‘mak berishda ayblangan BMT Taraqqiyot dasturining G‘azo sektoridagi falastinlik xodimi Vohid Burj 12-yanvar kuni ozodlikka chiqadi. Bu haqda “TASS” xabar bermoqda.
The Jerusalem Post nashrining ma’lum qilishicha, Burj sud bilan aybini tan olish bo‘yicha kelishuvga erishilganidan so‘ng 7 oy qamoq jazosiga hukm qilindi. Isroil mahkamasi u hukm chiqarilishini kutib, hibsda o‘tkazgan vaqtni inobatga oldi va 12-yanvarda ozod etilishini belgiladi.
Burj 16-iyulda Isroil politsiyasi va umumiy xavfsizlik xizmati (ShABAK) agentlari tomonidan qo‘lga olindi. U HAMASning yuqori martabali vakili ko‘rsatmalari asosida mazkur tashkilot manfaatlarini ko‘zlab harakat qilganlikda ayblangandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)