Futbol bo‘yicha Ispaniya kubogining 1/8 finaldan joy olgan dastlabki o‘yinlarning barchasi tugadi.
Ta’tildan keyingi birinchi o‘yinida kubokning amaldagi egasi “Barselona” Bilbaoda “Atletik”ka imkoniyatni boy berdi. Birinchi bo‘limning o‘zidayoq mezbonlar ikki bor muvaffaqiyat qozongan bo‘lsa, ikkinchi bo‘limga kelib Lionel Messi hisobni 1 taga qisqartirdi.
Bosh hakam 74 va 80-daqiqalarda “Atletik”ning ikki futbolchisiga qizil kartochka ko‘rsatib, ularni maydondan chetlatdi. Shunga qaramay, o‘yin yakuniga qadar Luis Enrike jamoasi muvozanatni tiklay olmadi. Javob o‘yini kelasi hafta “Kamp Nou”da bo‘lib o‘tadi.
Ma’lumot uchun, Ispaniya kubogini yutish uchun asosiy da’vogarlardan “Atletiko” 1/8 finalni safardagi g‘alaba bilan boshlagan bo‘lsa, “Real Madrid” o‘z maydonida “Sevilya” ustidan yirik hisobda g‘alaba qozongandi.
Ispaniya kubogi 1/8 final 5-yanvar, chorshanba
Izoh (0)