Xitoyning “Shanxay SIPG” futbol klubi bilan shartnoma imzolagan O‘zbekiston milliy terma jamoasi sardori Odil Ahmedov Qatardagi mashg‘ulotda ishtirok etdi. Mashg‘ulot vaqtida unga 25 raqami tushirilgan liboslar taqdim etilgani oydinlashdi.
Ma’lumot uchun, Odil Ahmedov Toshkentning “Paxtakor” klubida 25-raqam ostida to‘p tepardi. Futbolchi “Anji” safida 20, “Krasnodar”da 10-raqamda ko‘rinish bergan.
“Championat.asia” nashri ma’lumotiga ko‘ra, “Shanxay SIPG” 12-yanvar kuni Belgiya chempionati vakili bo‘lgan “Eypen” klubiga qarshi o‘rtoqlik o‘yinida maydonga tushadi. Odil Ahmedov katta ehtimol bilan o‘sha uchrashuvda ishtirok etadi.
Qayd etish kerak, “Eypen” klubi Belgiya chempionatida ishtirok etuvchi 16 ta jamoa orasida 13-o‘rinni egallab turibdi.
Izoh (0)