Toshkent shahrining Sergeli tumanida metropolitenning “Olmazor” bekatidan “Sputnik” mavzesigacha bo‘lgan yer usti metrosini qurish ishlari davom etmoqda. Bu haqda UZ24 xabar berdi.
Uzunligi 8 kilometrdan ortiq masofani tashkil etuvchi inshoot shaharning “Choshtepa” mahallasi oralig‘idan o‘tadi. “Sergeli” yo‘nalishi metroning “Olmazor” bekatidan ulanadi, shuningdek, yana 6 ta bekat qurilishi rejalashtirilgan.
Yangi yo‘lning so‘nggi bekati “Sputnik” mavzesidagi Marg‘ib ko‘chasi bo‘ladi. Qurilish jarayonida uzunligi 26 metrni tashkil etuvchi ko‘plab balkalar o‘rnatiladi.
Loyiha qiymati 170,1 million dollarga teng, u 4 yilga mo‘ljallangan. Bekatlarda eskalatorlar, kutish maydonchasi o‘rnatiladi, amaliyotga so‘nggi rusumdagi texnologiyalar joriy etiladi.
Ayni vaqtda qurilish ishlari Sergeli-5 mavzesining Mirzo Tursunzoda ko‘chasida olib borilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)