KXDR rahbari Kim Chen In joriy yilda birinchi marta inspeksion safar uyushtirdi. Bu haqda, Koreya markaziy telegraf agentligiga asoslanib, “TASS” xabar bermoqda.
Aytilishicha, Koreya mehnat partiyasi raisi uning ko‘rsatmasiga binoan Pxenyanda o‘tgan yil iyulida qurilgan maktab portfellari tikish fabrikasiga tashrif buyurdi.
Davlat rahbari ushbu korxonada o‘rnatilgan sanoat jihozlarining 95 foizi mamlakatning o‘zida ishlab chiqarilganini ta’kidlab o‘tdi. Shuningdek, u texnologlar va dizaynerlarning sa’y-harakatlari tufayli fabrikada maktab o‘quvchilari va talabalarning didi va ehtiyojini inobatga olgan holda turli shakl va rangdagi portfellar tikish imkoniyati yaratilganini qayd qilib o‘tdi.